இந்த முறையில் கோவைக்காய் பொரியல் செய்தால் கோவைக்காய் பிடிக்காதவங்களும் சாப்பிடுவாங்க.
தே.பொருட்கள்
கோவைக்காய் - 25
நீளமாக நறுக்கிய வெங்காயம் -1
மிளகாய்த்தூள் -1 டீஸ்பூன்
ப்லாக்ஸ் ஸூட் இட்லி பொடி - 1டேபிள்ஸ்பூன்
கடலை மாவு - 2 டேபிள்ஸ்பூன்
உப்பு -தேவைக்கு
எண்ணெய் - 1 டீஸ்பூன்
தாளிக்க
கடுகு,உளுத்தம்பருப்பு - தலா 1/4 டீஸ்பூன்
கறிவேப்பிலை -1 கொத்து
செய்முறை
*கோவைக்காயை மெலிதாக நீளவாக்கில் நறுக்கவும்.
*கடாயில் எண்ணெய் விட்டு தாளிக்க கொடுத்துள்ளவைகளைப் போட்டு தாளித்து வெங்காயம் சேர்த்து வதக்கவும்.
*பின் மிளகாய்த்தூள்+உப்பு+கோவைக்காயை சேர்த்து வதக்கி மூடி போட்டு வேகவிடவும்.தண்ணீர் ஊற்ற தேவையில்லை.அதிக தீயில் வைத்து இடையிடையே கிளறிவிடவும்.
*கோவைக்காய் வெந்த பின் தீயை குறைத்துவிட்டு இட்லி பொடி+கடலைமாவு சேர்த்து 5 நிமிடங்கள் நன்கு முறுகலாகும் வரை கிளறி இறக்கவும்.
பி.கு
சாதாரண இட்லி பொடி சேர்த்தும் செய்யலாம்.
0 comments:
Post a Comment