தக்காளி ஊறுகாய்

இந்த ரெசிபியை Sailu's food வெப்சைட்டில் பார்த்து செய்தேன்.இட்லி,தோசை,சாதம் அனைத்திற்க்கும் பொருத்தமான ஜோடி....அவங்க கொடுத்திருக்கும் அளவுகளை மட்டும் குறைத்து போட்டுள்ளேன்...
　
தே.பொருட்கள்:
தக்காளி - 5 பெரியது
புளி - 1 நெல்லிக்காயளவு
வரமிளகாய்த்தூள் - 1 டேபிள்ஸ்பூன்
வெந்தயப்பொடி - 1/2 டீஸ்பூன்
உப்பு + எண்ணெய் = தேவைக்கு

தாளிக்க:
கடுகு - 1 டீஸ்பூன்
வெந்தயம் - 1/4 டீஸ்பூன் குறைவாக
கறிவேப்பிலை - சிறிது
கா.மிளகாய் - 2
நசுக்கிய பூண்டுப்பல் - 6
　
செய்முறை :
*தக்காளியை நறுக்கி கொள்ளவும்.கடாயில் எண்ணெய் விட்டு நறுக்கிய தக்காளியை சேர்த்து மிதமான தீயில் எண்ணெய் பிரிந்து வரும் வரை வதக்கவும்.இதற்கு மட்டும் கொஞ்சம் பொறுமை வேணும்.தக்காளியிலிருந்து எண்ணெய் பிரிந்து வர 45 நிமிஷமாவது ஆகும்.

*அப்போதே அதனுடன் புளியையும் சேர்த்து மூடி அடுப்பிலிருந்து இறக்கி மூடிவிடவும்.ஆறியதும் தக்காளியை உப்பு சேர்த்து விழுதாக அரைத்து ஒரு பவுலில் வைக்கவும்.

*அதனுடன் மிளகாய்த்தூள்+வெந்தயப்பொடி சேர்த்து கலந்து வைக்கவும்.

*தாளிக்க கொடுத்துள்ளவைகளை தாளித்து ஆறவைத்து அரைத்த விழுதில் கலக்கவும்.

*ஆறவைத்து பிரிட்ஜில் தேவையானது பயன்படுத்தவும்.
　
பி.கு:
தக்காளியின் புளிப்பிற்கேற்ப புளி சேர்க்கவும்.புளிப்புள்ள தக்காளியாக இருந்தால் நன்றாகயிருக்கும்.